Hebrews 13
Di hai dela e haga tentene di manawa o God
1Gi dadaahia hua di godou hagadau aaloho be nia dama a Christ. 2Gi langahia gi benebene ina digau mai i daha gi godou hale, hunu daangada ne hai beelaa, gei digaula ne benebene digau di langi, gei digi iloo bolo ma digau di langi. a 3Gi langahia digau ala i lodo nia hale galabudi. Gi maanadua be goodou e madalia digaula. Gi maanadu langahia labelaa digau ala e hagaduadua kono. Gi maanadua bolo goodou e duadua be digaula. 4Goodou huogodoo e hai loo gi hagalabagau di dabu o taga hai lodo. Nia daane mo nia ahina hai lodo gi hagadaubuni, hagadau hagalaamua. God le e hagi aga tangada mouli be di manu ge huaidu. 5Goodou gi hudee aloho i nia bahihadu, gi dohu hua gi godou mee ala gu i-golo, idimaa, God gu helekai, “Au hagalee diiagi be e kili goodou gi daha.” b 6Gidaadou la gi maaloo i tadau helekai,“Dimaadua la go dogu hagamaamaa, au hagalee madagu. Ma di aha dela e mee di hai go tangada mai gi di au?” c
7Gi langahia digau agoago namua ala nogo hagi ngudu adu gi goodou nnelekai a God. Gi haga baubau ina nia hangaa mouli digaula, mo nadau mmade, goodou hagadonu be digaula. 8Jesus Christ e hai be ia anaahi, dangi nei, ga hana hua beelaa. 9Hudee dumaalia anga gi nia agoago hua gee tilikai gi dagi ina goodou gi daha mo di ala dela e donu. Di mee dela e humalia adu gi godou hagataalunga, daudalia hua tumaalia o God, hagalee go nia haganoho o nia meegai. Idimaa, tangada dela ma ga hagalongo gi nia haganoho aanei, deai dono humalia e kae ai.
10Digau hai mee dabu o Jew ala e ngalua i lodo di Hale Daumaha, nadau donu ai di gai tigidaumaha dela e hai i hongo tadau gowaa hai tigidaumaha. 11Tagi aamua hai mee dabu o Jew e kae nia dodo manu gi lodo di Gowaa Koia e Dabuaahia belee hai tigidaumaha, e wwede nia huaidu, gei nia huaidina o nia manu le e dudu i tua di waahale. d 12Deelaa tadinga Jesus ne made labelaa i tua di waahale, belee haga madammaa nia huaidu o nia daangada gi ono dodo donu. 13Gidaadou gi hula gi mee dela i tua di waahale, e madalia a mee i dono haga langaadia. 14Idimaa, di waahale e noho hua belaa i henuailala ai, gidaadou e halahala di waahale dela ga hanimoi. 15Gidaadou hagaamu ina a God i nia madagoaa huogodoo, e hai ai tadau tigidaumaha mai i Jesus, deelaa tigidaumaha e helekai di ngudu bolo Jesus go tadau Dagi. 16Goodou hudee de langahia godou haihai humalia, hagadau maamaa i godou mehanga, idimaa, aalaa nia hai tigidaumaha humalia e hiihai ginai a God.
17Hagalongo gi godou dagi, gi daudalia nia haganoho digaula, idimaa, digaula hagalee dugu di nadau madamada humalia i godou hagataalunga, gei digaula e hai loo gi haga kila aga nadau hegau ang gi God. Goodou ma ga hagalongo gi digaula, gei digaula koia ga tentene i di nadau hai nadau hegau. Goodou ma ga de hagalongo, gei digaula ga manawa gee, ga deemee di hagamaamaa goodou. 18Goodou gi mua hua di hai dalodalo i gimaadou. E hagalongo ia i gimaadou, bolo madau maanadu le e madammaa hua, idimaa, gimaadou e hiihai e hai nia mee ala e donu i nia madagoaa huogodoo. 19Au e dangi hagamahi adu gi goodou, bolo gi hai dalodalo ang gi God gi limalima dana hagau adu au gi goodou labelaa.
Talodalo haga lawa
20God dela ne haga mouli aga tadau Dagi go Jesus mai i baahi digau ala gu mmade, go mee dela go di hagaloohi siibi aamua. Mai i nia dodo o dono made, mee ne haga modongoohia bolo di hagababa damana e de ngudu le e donu. God di aumaalia gi haga honu ina goodou gi nia hagahumalia huogodoo ala e tau adu gi goodou e hai dono manawa. Gei mee gi haga gila ina aga di hiihai o dono manawa i tadau baahi, mai baahi o Jesus Christ(, e haga tenetene a mee). Di madamada ang gi Christ gi hana hua beelaa. Amen.Nnelekai haga muliagina
22Ogu duaahina nei, au e dangi adu gi goodou gi hagakono, gi hagalongo gi agu agoago hagamaaloo aga goodou, idimaa, dagu lede ne hihi la hagalee looloo. 23Au e hiihai bolo goodou gi iloo bolo tadau duaahina go Timothy la gu ulu gi daha mo di hale galabudi. Maa mee ga limalima mai gi di au, gei gimaua ga lloo adu gi godou baahi.24Hagadae ina di madau hagaaloho gi godou dagi huogodoo, mo nia dama a God huogodoo. Nia dama a Christ ala i Italy e hagau adunadau hagaaloho gi goodou.
25Tumaalia o God gi noho madalia goodou huogodoo.
Copyright information for
KPG